Indus Valley News

The largest Urdu web site of the world, Urdu News, Urdu Poetry, Horoscope, Technology, Weather, Business, Sports, Health, Islam, Women, Show-biz, Addab, Islamic Names, Articles resources.breaking news, instant news, top news, latest news, today’s news, world news, Pakistan news, View latest news updates from Pakistan and around the world. Published both in Urdu and English.

Ads Here

Friday, May 8, 2020

گرین نگہبان پروگرام کی منظوری، 6 لاکھ افراد کو روزگار ملے گا


گرین نگہبان پروگرام کی منظوری





اسلام آباد: (روزنامہ دنیا) وزیر اعظم عمران خان نے گرین نگہبان پروگرام کی منظوری دے دی، منصوبہ چاروں صوبوں میں شروع کیا جائے گا، گرین نگہبان میں کام کرنے والا یومیہ 800 روپے کما سکے گا، منصوبہ سے 6 لاکھ افراد کو 
روزگار فراہم کیا جائے گا۔

وزیر اعظم عمران خان کی زیر صدارت منگل کو وزیر اعظم  آفس میں اعلیٰ سطح کا اجلاس ہوا جس میں وزیراعظم عمران خان نے کورونا کی وبائی صورتحال میں روزگار کیلئے بڑا منصوبہ متعارف کروا دیا۔ گرین نگہبان منصوبے کا افتتاح وزیراعظم عمران خان خود کریں گے۔ گرین نگہبان پروگرام سے کورونا وائرس کی صورتحال میں فوری ملازمتیں اور روزگار کی فراہمی ممکن ہوسکے گی, پروگرام بیک وقت چاروں صوبوں میں شروع کیا جائے گا۔

وزیراعظم نے مشیر موسمیاتی تبدیلی ملک امین اسلم کو منصوبے کی ذمہ داری سونپ دی۔ معلوم ہوا کہ وزیراعظم گرین نگہبان پروگرام کے تحت دسمبر تک 2 لاکھ لوگوں کو نوکریاں فراہم کی جائیں گی جبکہ آئندہ سال مزید 4 لاکھ افراد باعزت روزگار حاصل کرسکیں گے۔ گرین نگہبان پروگرام تین طرح کی ذمہ داریاں ادا کریگا، اس سے شہروں کی صفائی بھی ممکن ہوسکے گی۔ جنگلات، نرسریوں اور پارکس میں گرین نگہبان کی خدمات لی جائیں گی۔ گرین نگہبان پروگرام کے تحت درخت لگائے جائیں گے اور شہروں کو ماحولیاتی آلودگی سے محفوظ بنایا جاسکے گا۔

وزیر اعظم نے اجلاس میں ہدایت کی صوبائی حکومتوں، بین الاقوامی اداروں سمیت تمام سٹیک ہولڈرز کو پروگرام کے دائرہ کار میں اضافے اور اضافی ملازمتوں کے مواقع پیدا کرنے کیلئے مصروف عمل ہونا چاہئے۔

No comments:

Post a Comment

تازہ ترین خبروں، ویڈیوز اور آڈیوز کے لیے آئیے۔ دنیا بھر کی خبروں کے حصول کے لیے ایک قابلِ اعتماد ویب سائٹ ہے